એવું લાગે છે કે સુરત એરપોર્ટ દાણચોરો માટે સલામત સ્થળ બની ગયું છે. તાજેતરમાં સુરત એરપોર્ટ પર 48 કિલો સોનું જપ્ત કર્યા બાદ કસ્ટમ વિભાગે સુરતથી શારજાહ લઈ જતી વખતે એક મુસાફર પાસેથી રૂ.1 કરોડ 10 લાખની કિંમતનો હીરા જપ્ત કર્યો છે.
પ્રાપ્ત માહિતી અનુસાર, સુરતથી શારજાહ જતી ફ્લાઈટમાં કેટલાક લોકો હીરાની દાણચોરી કરી રહ્યા હોવાની બાતમી કસ્ટમ વિભાગને અગાઉથી મળી હતી. મળતી માહિતી મુજબ, કસ્ટમ્સ વિભાગે પહેલાથી જ એરપોર્ટ પર સતર્કતા વધારી દીધી હતી. સુરતથી શારજાહ જતી ફ્લાઈટ જ્યારે ટેક ઓફ કરવાની તૈયારી કરી રહી હતી ત્યારે એરપોર્ટ પર એક મુસાફરના સામાનની તપાસ કરવામાં આવતા તેની બેગમાંથી રૂ. 1.10 લાખના હીરા મળી આવ્યા હતા. અધિકારીઓએ સંબંધિત વ્યક્તિ પાસેથી હીરાના બિલ અને પરમિટ વગેરેની તપાસ કરી પરંતુ તે આપી શક્યો નહીં, ત્યારબાદ કસ્ટમ વિભાગે વ્યક્તિને કસ્ટડીમાં લીધો અને વધુ પૂછપરછ ચાલી રહી છે. સુરત એરપોર્ટ પર છેલ્લા કેટલાક દિવસોમાં અનેક ઘટનાઓ સામે આવી છે.
