શિનોર પોલીસ મથકે નોંધાયેલ ચકચારી હની ટ્રેપ જેવા ગુનાના વધુ પાંચ આરોપીઓ ઝડપી પાડતી શિનોર પોલીસ.
શિનોર પોલીસ મથકે નોંધાયેલ ચકચારી હની ટ્રેપ જેવા ગુનાના વધુ પાંચ આરોપીઓ ઝડપી પાડતી શિનોર પોલીસ.
શિનોર પોલીસ મથકે તારીખ 6 ફેબ્રુઆરી 2026 ના રોજ શિનોરના ફરિયાદી હરેશ રણછોડ પટેલે 9 આરોપીઓ સામે રૂપિયા 75,75,550 બ્લેકમેલિંગ કરી લઈ ગયા ની ફરિયાદ કરી હતી. જેની તપાસ ઇન્ચાર્જ પી.આઈ. ડી.આર.ભાદરકા કરી રહ્યા હતા.તથા બે આરોપી અનવર મન્સૂરી અને સલીમ ઉર્ફે બતક ની ધરપકડ કરી રિમાન્ડ દરમિયાન ₹4,18,000 નો મુદ્દામાલ કબજે કર્યો હતો.પછી આરોપી આશિક સિકંદર પઠાણ જેના હાથે આ તમામ રૂપિયા અપાયા હતા તેની ધરપકડ કરી રિમાન્ડ દરમિયાન 14 લાખનો રોકડ સહિત મુદ્દા માલ કબજે કર્યો હતો. ચોથા આરોપી આશિક પઠાણનો પુત્ર અશફાક પઠાણને રિમાન્ડ પુરા થતાં જામીન પર મુક્ત થયેલ હતો.
નવા પી.આઇ.આર.આર. વસાવાએ ચાર્જ લીધો . એ દરમિયાન તપાસમાં ખુલેલ મુખ્ય આરોપી શૈલેષ વસાવા ને LCB પોલીસે ઝડપી શિનોર પોલીસને સોંપેલ છે. રિમાન્ડ દરમિયાન શૈલેશ વસાવા પાસેથી ₹2,13,000 ની લકી, રૂપિયા 5 લાખની ગાડી ₹40,000 રોકડા તથા 3 લાખના ઘરેણા સીઝ કરવામાં આવેલ છે. આમ અત્યાર સુધી કુલ રૂપિયા 28,68,000 રીકવર થયા. રિમાન્ડ દરમિયાન ખુલેલા અન્ય પાંચ આરોપીઓ જેમાં આકાશ વસાવા (મનીષા નો બનેવી ), પ્રકાશ વસાવા (સહેલીનો પતિ), હરદીપસિંહ ધરીયા (મનીષાનો ભાઈ), નિશાબેન વસાવા (મનીષા ની સહેલી), લક્ષ્મીબેન ઠાકોર પટેલ (મનીષાની માતા) શિનોર પોલીસે ઝડપી પાડી ₹16,500 નો મુદ્દા માલ અને એક મોબાઈલ જપ્ત કરેલ છે. મુખ્ય આરોપી મનીષા ઉર્ફે શાંતાબેન પકડવાની બાકી છે, તે ઉપરાંત આશિક નો ભાઈ અહેમદ જેને રૂપિયા 8 લાખ લીધેલા, માલસર માંંડવા વચ્ચે આવેલ મહારાજનું મકાન ગુનામાં સામેલ હોય તે મહારાજ, અન્ય એક લંગડો અને આશિકની અલ્ટો ગાડી, ઉપરાંત અન્યોની શોધખોળ ચાલુ છે. પી.આઈ.આર.આર.વસાવા ,હે.કો. ગીરીશભાઈ તથા પો.કો નરેશભાઈ દ્વારા સારી કામગીરી થઈ હતી.
