સુરતના સાત વિદ્યાર્થીઓની ‘IELTS ફ્યુચર સ્ટાર્સ ઓફ ઇન્ડિયા’ તરીકે પસંદગી
સુરત, 24 ઓક્ટોબર 2026: આંતરરાષ્ટ્રીય શિક્ષણ સેવાઓ ક્ષેત્રે વૈશ્વિક અગ્રણી અને IELTS ની સહ-માલિક કંપની IDP એજ્યુકેશને તેની રાષ્ટ્રીય લેખન સ્પર્ધા દ્વારા સુરતના સાત વિદ્યાર્થીઓની ‘ફ્યુચર સ્ટાર્સ ઓફ ઇન્ડિયા’ તરીકે પસંદગી કરી છે. J.B. અને K.A.R.P. વિદ્યા સંકુલની દિવ્યા પાટીલે સિનિયર કેટેગરીમાં તૃતીય સ્થાન પ્રાપ્ત કર્યું છે. આ પહેલ અંતર્ગત મહત્તમ સહભાગિતા માટે આ શાળાને ટોચની ત્રણ શાળાઓમાં પણ સ્થાન આપવામાં આવ્યું છે.
‘IELTS ફ્યુચર સ્ટાર્સ ઓફ ઇન્ડિયા’ ની પાયલોટ આવૃત્તિએ ધોરણ 9 થી 12 ના વિદ્યાર્થીઓને કૃત્રિમ બુદ્ધમત્તા (AI) તેમના જીવન અને ભવિષ્યને કેવી રીતે પ્રભાવિત કરી શકે છે તે અંગે પોતાના વિચારો વ્યક્ત કરવા માટે આમંત્રિત કર્યા હતા. આ પહેલ અંતર્ગત 40 થી વધુ શાળાઓમાંથી 340 એન્ટ્રીઓ શોર્ટલિસ્ટ કરવામાં આવી હતી, જેમાંથી પસંદગી સમિતિ દ્વારા 25 એન્ટ્રીઓ પસંદ કરવામાં આવી હતી. ત્યારબાદ અંતિમ પેનલ દ્વારા 18 ફ્યુચર સ્ટાર્સની પસંદગી કરવામાં આવી હતી.
સુરતમાંથી પસંદ થયેલા સાત વિદ્યાર્થીઓમાં J.B. અને K.A.R.P. વિદ્યા સંકુલની દિવ્યા પાટીલ સામેલ છે, જેણે સિનિયર કેટેગરીમાં તૃતીય સ્થાન મેળવીને ઈ-સર્ટિફિકેટ અને iPad પ્રાપ્ત કર્યું છે. આ ઉપરાંત, AMNS ઇન્ટરનેશનલ સ્કૂલની સુવર્ણા બચ્છુકા, અર્થ યુનિવર્સલ સ્કૂલની આરવી કોરાટ, રેયાન ઇન્ટરનેશનલ સ્કૂલની કિંદરપાલ કૌર અને મદીહા શેખ, તેમજ ફાઉન્ટેનહેડ સ્કૂલના યશ સિંઘલ અને મનિત ભસીનની પસંદગી થઈ છે. અન્ય છ વિદ્યાર્થીઓને ઈ-સર્ટિફિકેટ તેમજ પ્રત્યેકને રૂપિયા 10,000 નું વાઉચર આપવામાં આવ્યું છે.
આ પહેલ અંતર્ગત મહત્તમ સહભાગિતા માટે J.B. અને K.A.R.P. વિદ્યા સંકુલને પણ ટોચની ત્રણ શાળાઓમાં માન્યતા આપવામાં આવી છે.
IDP ના પ્રવક્તાએ જણાવ્યું હતું કે, “AI યુવા વ્યક્તિઓમાં શીખવાની, વિચારવાની અને ભવિષ્યની કલ્પના કરવાની રીતોને પ્રભાવિત કરી રહી છે. ‘IELTS ફ્યુચર સ્ટાર્સ ઓફ ઇન્ડિયા’ પહેલના ભાગરૂપ, અમે વિદ્યાર્થીઓને અંગ્રેજીમાં પોતાના વિચારો સ્પષ્ટપણે અને આત્મવિશ્વાસપૂર્વક રજૂ કરતી વખતે આ ઉભરતી ટેકનોલોજી સાથે નવીન રીતે જોડાવા માટે એક મંચ પૂરો પાડવા માંગતા હતા. સુરતના વિદ્યાર્થીઓનો અનન્ય દ્રષ્ટિકોણ AI ની શક્યતાઓ પ્રત્યેની તેમની જિજ્ઞાસા અને સમજ દર્શાવે છે.”
આ લેખન સ્પર્ધામાં બે થીમ રાખવામાં આવી હતી: ધોરણ 9 થી 10 ના વિદ્યાર્થીઓ માટે “જો AI મારા જીવનની કોઈ એક સમસ્યા ઉકેલી શકે તો” અને ધોરણ 11 થી 12 ના વિદ્યાર્થીઓ માટે “AI ના યુગમાં મારું ભવિષ્યનું સ્વરૂપ”. એન્ટ્રીઓનું મૂલ્યાંકન સરખું મહત્વ ધરાવતા ચાર માપદંડો પર 100 ગુણમાંથી કરવામાં આવ્યું હતું: સ્પષ્ટતા અને સુસંગતતા, ભાષાનો ઉપયોગ અને વ્યાકરણ, વ્યક્તિગત અભિવ્યક્તિ અને મૌલિકતા, અને થીમ સાથેની સુસંગતતા.
‘IELTS ફ્યુચર સ્ટાર્સ ઓફ ઇન્ડિયા’ ની પાયલોટ આવૃત્તિએ સમગ્ર ભારતની શાળાના વિદ્યાર્થીઓને તેમના વિચારો રચનાત્મક રીતે વ્યક્ત કરવા માટે એક મંચ પૂરો પાડ્યો હતો.
