સેમસંગ દ્વારા ભારતમાં રિટેઈલ કારકિર્દી માટે 9400 યુવાનોને કુશળ બનાવવા માટે દોસ્ત સેલ્સ પ્રોગ્રામનું વિસ્તરણ
સેમસંગ દ્વારા ભારતમાં રિટેઈલ કારકિર્દી માટે 9400 યુવાનોને કુશળ બનાવવા માટે દોસ્ત સેલ્સ પ્રોગ્રામનું વિસ્તરણ
આ પહેલ ભારતભરમાં સમાવેશક રિટેઈલ કાર્યબળ વૃદ્ધિ પ્રેરિત કરશે
ક્લાસરૂમ લર્નિંગ અને ભારતવ્યાપી ઓન-ધ- જોબ તાલીમ થકી નોકરીની સુસજ્જતા વધારશે.
પાત્ર ઉમેદવારોને સરકારી માન્યતાપ્રાપ્ત નેશનલ સ્કિલ્સ ક્વોલિફિકેશન્સ ફ્રેમવર્ક (એનએસક્યુએફ) સર્ટિફિકેશન પ્રાપ્ત કરશે, જે લાંબા ગાળાની કારકિર્દી માટે દ્વાર ખોલી નાખશે.
ભારતની સૌથી વિશાળ કન્ઝ્યુમર ઈલેક્ટ્રોનિક્સ બ્રાન્ડ સેમસંગ દ્વારા તેના ફ્લેગશિપ સેમસંગ ડિજિટલ એન્ડ ઓફફલાઈન સ્કિલ્સ ટ્રેનિંગ (દોસ્ત) સેલ્સ પ્રોગ્રામની ઉચ્ચ સ્તરે લઈ જવાની ઘોષણા કરવામાં આવી છે, જેના હેઠળ વંચિત સમુદાયના 9400 યુવાનોને ફ્રેન્ટલાઈન રિટેઈલ ભૂમિકા માટે તાલીમબદ્ધ કરાશે. આ પહેલ કુશળ, ભાવિ સુસજ્જ કાર્યબળ નિર્માણ કરવાની અને સમાવેશક આર્થિક વૃદ્ધિના ભારતના ધ્યેયને આગળ ધપાવવાની સેમસંગની કટિબદ્ધતા પર ભાર આપે છે.
2021માં આરંભથી દોસ્ત સેલ્સ પ્રોગ્રામે ભારતના સૌથી ઝડપથી વિસ્તરતા સંગઠિત રિટેઈલ ક્ષેત્ર માટે મજબૂત પ્રતિભા પાઈપલાઈન નિર્માણ કરી છે. દોસ્ટ સેલ્સ 4.0 આ વર્ષે શરૂ થયો તે સાથે સેમસંગે ઈલેક્ટ્રોનિક્સ સેક્ટર સ્કિલ્સ કાઉન્સિલ ઓફ ઈન્ડિયા (ઈએસએસસીઆઈ) અને ટેલિકોમ સેક્ટર સ્કિલ્સ કાઉન્સિલ (ટીએસએસસી) સાથે ભાગીદારીમાં તેનો સ્કિલિંગ ધ્યેય બમણો કર્યો છે.
“સેમસંગ રાષ્ટ્રની વૃદ્ધિની ગાથામાં ભારતના યુવાનોને અર્થપૂર્ણ રીતે ભાગ લેવા માટે સશક્ત બનાવવા ઊંડાણથી કટિબદ્ધ છે. દોસ્ત સેલ્સ પ્રોગ્રામ ઉદ્યોગ અવ્વલ પહેલ છે, જે ખાસ કરીને વંચિત સમુદાયના યુવાનોને આજના ગતિશીલ રિટેઈલ વાતાવરણમાં ટકી રહેવા માટે જરૂરી આત્મવિશ્વાસ, જ્ઞાન અને વ્યવહારુ કૌશલ્ય સાથે સુસજ્જ કરવા તૈયાર કરાયેલા 5 મહિનાના તાલીમ કાર્યક્રમ પર કેન્દ્રિત છે. આ વર્ષે તાલીમ નોંધણી ત્રણ ગણી વધી હોઈ દોસ્ત ડિજિટલ અપનાવવાનું તેજ ગતિથીથી ચાલી રહ્યું છે અને રિટેઈલે ઉત્ક્રાંતિ પામવાનું ચાલુ રાખ્યું છે ત્યારે મજબૂત, રોજગાર સુસજ્જ પ્રતિભા પૂલને આકાર આપવામાં મદદરૂપ થઈ રહી છે,” એમ સેમસંગ સાઉથવેસ્ટ એશિયા ખાતે સીએસઆર અને કોર્પોરેટ કમ્યુનિકેશન્સના હેડ શુભમ મુખરજીએ જણાવ્યું હતું.
માળખાબદ્ધ, ઉદ્યોગ સુસજ્જ તાલીમ માર્ગ
દરેક તાલીમાર્થીને સેમસંગની રિટેઈલ સેલ્સ ટીમ દ્વારા 60 કલાકની તાલીમ સાથે ઈએસએસસીઆઈ અને ટીએસએસસી પાસેથી સર્ટિફાઈડ ટ્રેનર્સ દ્વારા પ્રેરિત 120 કલાકના ઓનલાઈન ક્લાસરૂમ મોડયુલ હેઠળ પસાર થવાનું રહેશે. અભ્યાસક્રમ નિમ્નલિખિત આવરી લે છેઃ
ગ્રાહક ઈન્ટરએકશન અને કમ્યુનિકેશન.
સેલ્સ ફંડામેન્ટલ્સ અને રિટેઈલ પ્રક્રિયાઓ.
પ્રોડક્ટ જ્ઞાન અને પ્રદર્શન કૌશલ્ય.
સ્ટોર કામગીરી અને સેવા ઉત્કૃષ્ટતા.
રાષ્ટ્રવ્યાપી સેમસંગ રિટેઈલ સ્ટોર્સ ખાતે 5 મહિનાના ઓન- ધ- જોબ ટ્રેનિંગ (ઓજેટી) દરમિયાન તેમને ગ્રાહક સહભાગ, સ્ટોરની પ્રક્રિયાઓ, પ્રોડક્ટ શિક્ષણ અને સેલ્સ વાર્તાલાપમાં હાથોહાથનો અનુભવ પ્રાપ્ત થશે અને તેમના અભ્યાસ અને તાલીમ અનુભવને ટેકો આપવા માટે સેમસંગ પાસેથી માસિક વેતન પણ પ્રાપ્ત થશે.
આખલન પછી પાત્ર ઉમેદવારોને સર્ટિફિકેશન સાથે સુમેળ સાધતાં સરકારી માન્યતાપ્રાપ્ત નેશનલ સ્કિલ્સ ક્વોલિફિકેશન્સ ફ્રેમવર્ક (એનએસક્યુએફ) પ્રાપ્ત થશે, જેથી તેમની રોજગારક્ષમતા બહેતર બનશે અને ભારતની સંગઠિત રિટેઈલ ઈકોસિસ્ટમમાં લાંબા ગાળાની કારકિર્દી માટે માર્ગ ખૂલી જશે.
રિટેઈલ પ્રોફેશનલોની ભાવિ પેઢીનું સ્કિલિંગ
દોસ્ત સેલ્સ પ્રોગ્રામ થકી સેમસંગ યુવા ઈચ્છુકોને કન્ઝ્યુમર ઈલેક્ટ્રોનિક્સ રિટેઈલમાં સસ્ટેનેબલ કારકિર્દી નિર્માણ કરવા માટે આવશ્યક પાયાકીય કૌશલ્ય પૂરું પાડશે. માખળાબદ્ધ અભ્યાસક્રમ સહભાગીઓને સેલ્સ પ્રમોટર્સ- ફ્રન્ટલાઈન એક્સપર્ટસ તરીકે ભૂમિકા માટે સુસજ્જ કરે છે, જે ગ્રાહકોને પ્રોડક્ટ માહિતી, પ્રદર્શન અને ખરીદી નિર્ણય લેવામાં ટેકો આપે છે.
“ઈએસએસસીઆઈ દોસ્ત સેલ્સ પ્રોગ્રામ માટે સેમસંગ સાથે ભાગીદારી કરવામાં ગૌરવની લાગણી અનુભવે છે, જે ભારતની સ્કિલિંગ ઈકોસિસ્ટમને મજબૂત બનાવે છે અને યુવાનોને સશક્ત બનાવે છે. આ જોડાણ રોજગાર માટે અસલ માર્ગ ખોલી નાખે છે અને ઉચ્ચ ગુણવત્તાની તાલીમ, ઉદ્યોગ સુમેળ સાધતાં ધોરણો પ્રત્યે અમારી સમાન કટિબદ્ધતા પર ભાર આપશે અને ભારતના યુવા કાર્યબળ માટે સક્ષમ કારકિર્દીનો માર્ગ નિર્માણ કરશે,” એમ ઈએસએસસીઆઈના ચેરમેન વિનોદ શર્માએ જણાવ્યું હતું.
“ટીએસએસસીમાં અમારું મિશન ભારતની ઝડપથી વૃદ્ધિ પામતી ડિજિટલ અર્થવ્યવસ્થા સશક્ત બનાવતું કાર્યબળ નિર્માણ કરવાનું છે. સેમસંગ સાથે દોસ્ત સેલ્સ પ્રોગ્રામ સાથે અમારી ભાગીદારી ઉચ્ચ ગુણવત્તાના રિટેઈલ સ્કિલિંગ પ્રદાન કરવા અમારા પ્રયાસોને વધુ મજબૂત બનાવે છે અને યુવાનોને ઉદ્યોગ સુસંગત સુસંગતતાઓ સાથે સમૃદ્ધ બનાવે છે. દોસ્ત પ્રોગ્રામ સ્કિલિંગ રોજગારની અર્થપૂર્ણ તકોમાં પરિવર્તિત થાય, સક્ષમ કારકિર્દીનો માર્ગ તૈયાર થાય અને માળખાબદ્ધ સ્કિલિંગમાં પારંપરિક રીતે મર્યાદિત પહોંચ ધરાવતા સમુદાયોની સમાવેશકતાની પ્રગતિ થાય તેની ખાતરી રાખે છે,” એમ ટીએસએસસીના સીઈઓ લેફ્ટેનન્ટ જનરલ કે એચ ગવસે જણાવ્યું હતું.
ઉચ્ચ સ્તરનો પ્રભાવ પ્રેરિત કરે છેઃ સમાવેશક વૃદ્ધિ માટે સ્કિલિંગ
દોસ્ત સેલ્સ પ્રોગ્રામ ઉચ્ચ સ્તરે સ્કિલ ડેવલપમેન્ટને ટેકો આપીને ડિજિટલ ઈન્ડિયાને સશક્ત બનાવવા માટે સેમસંગના ધ્યેયને મજબૂત બનાવે છે અને વિવિધ સામાજિક અને પ્રાદેશિક પાર્શ્વભૂના યુવાનોને અર્થપૂર્ણ રોજગારની તકોને પહોંચ મળી શકે તેની ખાતરી રાખે છે. નેશનલ સ્કિલ ડેવલપમેન્ટ મિશન સાથે સુમેળ સાધીને અને સરકાર પ્રેરિત સેક્ટર સ્કિલ કાઉન્સિલો સાથે નિકટતાથી જોડાણ કરીને સેમસંગે ભારતની રિટેઈલ ટેલેન્ટ લેન્ડસ્કેપને આકાર આપવામાં મહત્ત્વપૂર્ણ ભૂમિકા ભજવવાનું ચાલુ રાખ્યું છે.
દોસ્ત સેલ્સ 4.0 સમાવેશકતા પ્રેરિત કરવા, કૌશલ્યનું અંતર દૂર કરીને સક્ષમ વૃદ્ધિ કરવા અને દેશના ડિજિટલ અને આર્થિક પરિવર્તનમાં આત્મવિશ્વાસ સાથે ભારતના યુવાનોને ભાગ લેવા માટે મદદરૂપ થવાની સેમસંગની કટિબદ્ધતામાં વધુ એક પગલું છે.
