ઉમરપાડાના યુવા ડૉ. વિકાસકુમાર સિંહે એમ.ડી. કરી રચ્યો ઇતિહાસ, સમાજનું ગૌરવ વધાર્યું
ઉમરપાડાના યુવા ડૉ. વિકાસકુમાર સિંહે એમ.ડી. કરી રચ્યો ઇતિહાસ, સમાજનું ગૌરવ વધાર્યું
બિહાર પૂર્વાંચલ પ્રજાપતિ સમાજના અધ્યક્ષ નંદકુમાર આર. પંડિતે પાઠવી શુભેચ્છાઓ
સુરત: ઉમરપાડા જેવા અતિ દુર્ગમ અને ગ્રામ્ય વિસ્તારમાંથી આગળ વધી એમ.ડી. જેવી ઉચ્ચ તબીબી ડિગ્રી પ્રાપ્ત કરવી એ પોતાના માં જ એક મોટી સિદ્ધિ ગણાય છે. આ સિદ્ધિ હાંસલ કરીને યુવા ડૉ. વિકાસકુમાર સિંહે માત્ર પોતાના માતા-પિતાનું સ્વપ્ન પૂરું કર્યું નથી, પરંતુ સમગ્ર સમાજ અને વિસ્તારમાં ગૌરવ વધાર્યું છે.
ડૉ. વિકાસકુમાર સિંહે વિદેશમાં રહી કઠોર મહેનત અને લગનના બળ પર એમ.ડી. (ફિઝિશિયન) ની ડિગ્રી પ્રાપ્ત કરી છે. તેમની આ સફળતાથી ઉમરપાડા વિસ્તારમાં આનંદ અને ગર્વનો માહોલ સર્જાયો છે. હવે તેઓ પોતાના વિસ્તારના લોકો માટે વધુ સારી તબીબી સેવા આપવા પ્રતિબદ્ધ રહેશે.
આ અંગે બિહાર પૂર્વાંચલ પ્રજાપતિ સમાજના અધ્યક્ષ નંદકુમાર આર. પંડિતે જણાવ્યું હતું કે ડૉ. વિકાસના પિતા ડૉ. બી.બી. સિંહ ઉમરપાડા તાલુકાના એક નાના ગામમાં વર્ષોથી ક્લિનિક ચલાવી ગ્રામજનોની સેવા કરી રહ્યા છે. મર્યાદિત સાધનો હોવા છતાં તેમણે પોતાના સંતાનોના શિક્ષણમાં ક્યારેય કમી આવવા દીધી નથી. તેમની પુત્રીઓ મનીષા સિંહ અને અલ્કા સિંહ પણ બી.એચ.એમ.એસ. સુધી અભ્યાસ કરી ચૂક્યા છે.
આ જ ક્રમમાં તેમણે પોતાના પુત્ર વિકાસકુમાર સિંહને એમ.બી.બી.એસ. સુધી ભણાવી આગળના અભ્યાસ માટે વિદેશ મોકલ્યા, જ્યાં તેમણે પોતાની મહેનત અને સમર્પણથી એમ.ડી. ની ડિગ્રી હાંસલ કરી છે.
