Le Meridien Surat: ઇન્ટરનેશનલ શેફ ડેને લઈ શરૂ થયેલી ઇન્ડિયાઝ શેફ રાઇડ સુરત પહોંચી
દેશના તમામ શેફ સંગઠિત થાય અને અને 20મી ઓક્ટોબરે શેફ ડેની ભવ્ય ઉજવણી ભારતમાં થાય તેવા ઉદેશ્ય સાથે એક્સ ઇવેન્ટસ્ હોસ્પિટાલીટીના સ્થાપક શેફ એલન દ્વારા કરાયું છે રાઇડનું આયોજન
સુરત: ઓક્ટોમ્બરનો દિવસ વિશ્વ ભરમાં ઇન્ટરનેશનલ શેફ ડે તરીકે ઉજવાય છે. ત્યારે આ વખતની ઉજવણીને ભવ્ય અને યાદગાર બનાવવા માટેની તૈયારીઓ શેફ સમુદાય દ્વારા શરૂ કરી દેવામાં આવી છે. એક્સ ઇવેન્ટસ્ના સંસ્થાપક શેફ એલન ડીમોલો દ્વારા આ અંગેની જાગૃતિ લાવવા અને દેશના તમામ નાના મોટા શેફને એક કરવા માટે શેફ ઇન્ડિયાઝ રાઇડ 2023નું આયોજન કરવામાં આવ્યું છે. એક મહિના સુધી યોજાનારી આ રાઇડ સુરત ખાતે પહોંચી હતી. ડુમસ રોડ, સુરત ખાતે લા મેરીડીયન હોટેલ દ્વારા રાઇડનું ભવ્ય સ્વાગત કરવામાં આવ્યું હતું. સાથે જ સુરતના શેફ શશિકાંત રાઠોડે આ રાઇડને હોસ્ટ કરી હતી. અહીં રોબિન હૂડ આર્મી સાથે મળીને ઉજવણી કરવામાં આવી હતી.
