વિકસિત ભારત સંકલ્પ યાત્રાના રથનું ભવ્ય સ્વાગત કરતા કામરેજ તાલુકાના લાડવી ગામના ગ્રામવાસીઓ
સુરતઃ સોમવાર: કેન્દ્ર અને રાજ્ય સરકારની ફ્લેગશીપ યોજનાઓના લાભો ગામે ગામ સુધી પહોંચે તેવા આશયથી સુરતના કામરેજ તાલુકાના લાડવી ગામે વિકસિત ભારત સંકલ્પ યાત્રાનો રથ આવી પહોંચ્યો હતો.જ્યાં ગ્રામજનો દ્વારા સંકલ્પ યાત્રાના રથનું ભવ્ય સ્વાગત કરી વિકસિત ભારતની સામૂહિક પ્રતિજ્ઞા લીધી હતી.
આ પ્રસંગે વિવિધ શાખાઓના પદાધિકારીઓદ્વારા કેન્દ્ર અને રાજય સરકારની પોષણ અભિયાન, પી.એમ કિસાન સન્માન નિધિ યોજના, કિસાન ક્રેડિટ કાર્ડ યોજના, વિશ્વકર્મા યોજના, આયુષ્યમાન કાર્ડ,જલ જીવન મિશન યોજના, અટલ પેન્શન યોજના, પ્રાકૃતિક ખેતી, પશુપાલન માટેની યોજનાઓ જેવી વિવિધ વિભાગોની યોજનાઓ વિષે વિસ્તૃત માહિતી પુરી પાડવામાં હતી.
આ અવસરે મહાનુભવોના હસ્તે સરકારશ્રીની વિવિધ કલ્યાણકારી યોજનાઓના લાભોનું વિતરણ કરવામાં આવ્યું હતું. તેમજ પોષણ અભિયાન, પી.એમ.જે.વાય, સખી મંડળ, ખેતીવાડી વિભાગ, આરોગ્ય વિભાગના લાભાર્થીઓએ પોતાના અનુભવો જણાવ્યા હતા.
આ પ્રસંગે જિલ્લાના શિક્ષણ સમિતિના ચેરમેનશ્રી ભારતીબેન રાઠોડ, તાલુકા પંચાયતના પ્રમુખ શ્રીમતી રેખાબેન પટેલ, તાલુકા પંચાયતના ઉપપ્રમુખ શ્રી હર્ષદભાઈ ઢોળીયા, શાસકપક્ષના નેતા શ્રી રમેશભાઈ શિંગાળા, પંચાયતના અધ્યક્ષ શ્રીમતી તેજલબેન મિસ્ત્રી, તાલુકા પંચાયત દંડક શ્રી મંજુલાબેન રાઠોડ, ગુજરાત પ્રદેશ કારોબારી સભ્યશ્રી ગુણવંતભાઈ દેસાઈ, કામરેજ તાલુકાના સંગઠન મંત્રીશ્રી મિતેષભાઈ પટેલ, ATDO શ્રી પઢિયાર સાહેબ, તેમજ ગામના સરપંચ શ્રીમતી ભાવિનીબેન, ઉપસરપંચશ્રી મિનેષભાઈ, ઇ.ચાર્જ વિસ્તરણ અધિકારી ખેતી શરી ચેતનભાઇ પી. સોલંકી તેમજ તાલુકા પંચાયતના અધિકારીઓ, કર્મચારીઓ, આંગણવાડી કાર્યકર, આરોગ્ય સ્ટાફ તેમજ અન્ય વિભાગના અધિકારી, કર્મચારી ગણ, ગ્રામજનો, લાભાર્થીઓ ઉપસ્થિત રહ્યાં હતા.
