શિનોર હનીટ્રેપ કાંડ: મુખ્ય આરોપી શૈલેષ વસાવા શરતી જામીન પર મુક્ત
શિનોર પોલીસ મથકે નોંધાયેલ ચકચારી હની ટ્રેપ જેવા ગુનાના પાંચમા આરોપી શૈલેશ વસાવાને રિમાન્ડ પુરા થતા નામદાર કોર્ટે શરતોને આધીન જામીન પર મુક્ત કર્યો.
શિનોર પોલીસ મથકે તારીખ 6 ફેબ્રુઆરી 2026 ના રોજ શિનોરના ફરિયાદી હરેશ રણછોડ પટેલે 9 આરોપીઓ સામે રૂપિયા 75,75,550 બ્લેકમેલિંગ કરી લઈ ગયા ની ફરિયાદ કરી હતી. જેની તપાસ ઇન્ચાર્જ પી.આઈ. ડી.આર.ભાદરકા કરી રહ્યા હતા.તથા બે આરોપી અનવર મન્સૂરી અને સલીમ ઉર્ફે બતક ની ધરપકડ કરી રિમાન્ડ દરમિયાન ₹4,18,000 નો મુદ્દામાલ કબજે કર્યો હતો.પછી આરોપી આશિક સિકંદર પઠાણ જેના હાથે આ તમામ રૂપિયા અપાયા હતા તેની ધરપકડ કરી રિમાન્ડ દરમિયાન 14 લાખનો રોકડ સહિત મુદ્દા માલ કબજે કર્યો હતો. રિમાન્ડ દરમિયાન ખુલેલા ચોથા આરોપી આશિક પઠાણનો પુત્ર અશફાક પઠાણને નાણાં ગૂગલ પે થી આપેલા તેના રિમાન્ડ પુરા થતાં જામીન પર મુક્ત થયેલ હતો. આશિકના ભાઈ અહેમદને બેંકમાંથી ફરિયાદીએ ₹8,00,000 આપેલા તે તથા માલસર માંડવા વચ્ચે આવેલ મહારાજ નું મકાન ગુનામાં સામેલ હોય તે મહારાજ, ઉપરાંત એક લંગડો વ્યક્તિ અને આશિકની અલ્ટો ગાડી ઝડપવાની બાકી છે.
તે અરસામાં ઇન્ચાર્જ પી.આઇ.ભાદરકાની બદલી થતાં નવા પી.આઇ.આર.આર. વસાવાએ ચાર્જ લીધો . એ દરમિયાન તપાસમાં ખુલેલ મુખ્ય આરોપી શૈલેષ વસાવા જેને કરજણ સેસન્સ કોર્ટમાં આગોતરા જામીન માટે અરજી કરેલ, જે નામંજૂર થતાં LCB પોલીસે તેને ઝડપી શિનોર પોલીસને સોંપેલ છે. શિનોર પોલીસે શૈલેષ વસાવાને નામદાર કોર્ટ સમક્ષ રજુ કરીને રિમાન્ડની માંગણી કરતાં તારીખ 15 એપ્રિલ સુધી રિમાન્ડ મંજૂર કરવામાં આવ્યા. રિમાન્ડ દરમિયાન આરોપી પાસેથી ₹2,13,000 ની લકી, રૂપિયા 5 લાખની ગાડી ₹40,000 રોકડા તથા 3 લાખના ઘરેણા સીઝ કરવામાં આવેલ છે. આમ અત્યાર સુધી કુલ રૂપિયા 28,68,000 રીકવર થયા ગણી શકાય. રિમાન્ડ દરમિયાન ખુલેલા અન્ય આરોપીઓ ને ઝડપવા માટે પી.આઈ આર.આર.વસાવા એ ચક્રો ગતિમાન કર્યા છે.
રિમાન્ડ પુરા થતા શૈલેષ વસાવા ના વકીલ આર.એફ. ગીરાસીયા, સાધલી દ્વારા જામીન અરજી રજૂ થતાં તે ગ્રાહ્ય રાખીને શરતોને આધીન આરોપીને મુક્ત કરવામાં આવેલ છે.
